چین مملکتی نینگ افغانستان بوییچه مخصوص وکیلی یو شیائو یونگ یقینده اۉتکزگن صحبتلریده، افغانستان وضعیتی همده چین نینگ افغانستانگه قرشی سیاستی تۉغریسیده فکر بیلدیرگن.
چین مخصوص وکیلی، افغانستانده بیرینچی بۉلیب کینگ قمراولی/برچه شامل حکومت اورتهگه کېلیشی و بو مملکتده اورتهچه و ملی بیر سیاست اختیار اېتیلیشی درکار دېب اورغولهگن.
عینی حالده چین مخصوص وکیلی افغانستاندن بۉلگن ترورچیلیک تهدیدلریدن خواطر بیلدیریب، ایلگری بیر یا ده ایکی ترورچی گروه فعال بۉلگن افغانستانده حاضر کمیده ۲۰ ترورچی گروه فعال دېب بیان قیلگن.
شونینگدېک چین مخصوص وکیلی، بو مملکت افغانستانده نفوذینی آشیریش آرتیدن اېمس دېب معلوم قیلگن.
چین مخصوص وکیلی نینگ بو صحبتلری، طالبان مناسبت بیلدیریشیگه هم سبب بۉلگن.
طالبان سۉزلاوچیسی نینگ اۉرین باسری حمدالله فطرت بو خصوصده مناسبت بیلدیریب، چین و طالبان ارا یخشی علاقه برقرارلیگینی اعلام قیلگن.
