افغانستان‌لیک اۉزبېک ژورنالیست‌لریدن بیری جیلان ارسلان، آی‌لردن بویان تورکیه‌ده محبوس دیر و حاضرگه قدر بو ژورنالیست تقدیری نیمه بۉلیشی انیق بیللی اېمس.
توشینماوچیلیک بیر واقعه سبب‌لی تورکیه پولیس کوچلری آرقه‌لی قۉلگه آلینگن جیلان ارسلان، آزاد اېتیلیشی اوچون هیچ بیر ژورنالیست‌لرنی حمایه قیلووچی تشکیلاتی سعی‌وحرکت قیلمه‌گن.
بوندن ایلگری، جیلان ارسلان یقین‌لری بو نهادلر و اۉزبېک بویوک‌لری بیلن علاقه قوریب، بو حقده یاردم بېریش‌لرینی سۉره‌گن. بیراق هیچ بیر نهاد بو ژورنالیست تقدیری اوچون قیغورگن اېمس.
انه‌شوو سبب، بیر عمر خلق سیسی اوچون کوره‌شیب، ایش و فعالیت بجریب کېلگن اۉزبېک ژورنالیست‌لری آغیر احوالده توشیب قالگن زمان، هیچ کیمی یۉق‌لیکنی سیزیش انیق اېکنی بیللی بۉله‌دی.
ایتیش کېره‌ک که جیلان ارسلان آزاد اېتیلیشی اوچون بیر قنچه اۉزبېک ژورنالیست‌لر اجتماعی صحیفه‌لریده، یازوو ترقه‌تیب بو خصوصده همکارلیک سۉره‌دی. بیراق حاضرگه قدر جیلان ارسلان اوچون بیران ایش بجریلمه‌گن.
