طالبان ساغلیقنی سقلش وزیرلیگی اعلام قیلیشیچه، بادغیس ولایتی غورماچ اولسواللیگیگه ۱۱۱ مینگ دالر ارزشیگه بۉلگن ساغلیق امکانیتلری یېتکزیلگن.
بوحقده نشر اېتیلگن بیاناتده، اوشبو یاردم بیرلشگن ملتلر تشکیلاتی قاچقینلر بۉییچه عالی کمیسارلیگی تامانیدن کۉرسهتیلگن بۉلیب، غورماچ ساغلیق مرکزیگه تاپشیریلگنی ایتیلگن.
بیاناتده، اوشبو یاردملر ۴۶ ته ساغلیق جهازلریدن عبارت اېکنی هم معلوم قیلینگن.
اوشبو یاردملرنینگ ینه بیر قسمی ایکینچی باسقیچده یېتکزیلیشینی هم معلوم قیلگن طالبان ساغلیقنی سقلش وزیرلیگی.
بو شوندی بیرحالده دیر که طالبان حاکمیتیده افغانستاننینگ ساغلیق تیزیمی آغیر احوالده توشیب قالگن.
بوندن آلدین، بودجه و امکانیتلر یېتیشمسلیگی سبب، بیر قنچه ساغلیق مرکزلرینینگ فعالیتی تۉختهتیلگن اېدی.
