کابلده سعودی عربستان مملکتی نینگ ایلچیخانهسی، بو دیپلوماتیک نمایندهلیک فعالیتلری قیته باشلنگنیدن خبر بېردی.
کابلده سعودی عربستان ایلچیخانهسی تامانیدن بوگون دوشنبه، ۳ – جدی نشر اېتیلگن بیاناتگه کۉره، بو ایلچیخانه فعالیتی قیته باشلهنیشیدن مقصد، اوشبو مملکت یشاوچیلریگه خذمت ترقهتیش دیر.
عینی حالده طالبان تشقی ایشلر وزیرلیگی، سعودی عربستان مملکتی نینگ بو قرارینی خوش قرشیلگن.
طالبان تشقی ایشلر وزیرلیگی سۉزلاوچیسی نینگ اۉرین باسری ضیااحمد تکل، یېتکیرمهلر بیلن شریک قیلگن بیاناتیده، بو قرار طالبان و سعودی عربستانارا مناسبتلر یخشیلنیشی اوچون کتته حصه قوشیشیگه امید بیلدیرگن.
ایتیش کېرهک که سعودی عربستان مملکتی، طالبان حاکمیتگه قیتگنیدن بویان افغانستاندهگی دیپلوماتیک حضوریده چیک قویگن اېدی.
