طالبان عامه منفعت وزیرلیگی بیر بیانات نشر قیلیب، سالنگ عمومی قتناو یۉلی هر قندی باریب – کېلیش یوزیگه اېرته سهشنبه، ۴ – جدی آچیلیشیدن خبر بېردی.
بو وزیرلیک بیاناتیگه کۉره، سالنگ عمومی قتناو یۉلی قیته قوریلیشی نینگ جاری ییل اوچون ریجهلشتیریلگن ایشلری یکونلنگن.
مذکور بیاناتده، یۉلاوچیلردن سفر قیلیش اوچون کېرهکلی دقتلرنی نظرگه توتگن حالده، سالنگ عمومی قتناو یۉلیدن اۉتیشلری توصیه قیلینگن.
دیمک سالنگ عمومی قتناو یۉلی بیر نیچه مدت بویان باریب – کېلیش یوزیگه باغلنگن اېدی.
اوشبو مدت ایچیده، موترلر نوبت اساسیده فرعی یۉلدن اۉتیشلری ممکن اېدی.
