طالبان تشقی ایشلر وزیرلیگی ایکس صحیفهسیده بیر بیانات نشر قیلیب، بو وزیرلیک سیاسی اۉرین باسری شیرمحمد عباس ستانکزی بیلن آذربایجان مملکتی نینگ کابلدهگی ایلچیسی، الهام محمدوف اوچرهشوویدن خبر بېردی.
طالبان تشقی ایشلر وزیرلیگی اۉزی نینگ بیاناتیده ادعا قیلیشیچه، آذربایجان افغانستان بیلن تورلی ساحهلرده همکارلیکلرینی آشیریشگه تیارگرلیک کۉرسهتگن.
طالبان تشقی ایشلر وزیرلیگی آذربایجان ایلچیسیدن نقل قیلیب یازیشیچه “آذربایجان افغانستان بیلن سیاسی علاقهلرینی کینگهیتیریشگه قیزیقهدی و اقتصادی ساحهلرده هم همکارلیک قیلیشگه تیار. بو علاقهلر کینگهیشی ایکی مملکت اوچون هم اهمیتلی دیر.”
ایتیش کېرهک که آذربایجان مملکتی هم دنیا باشقه مملکتلری کبی، طالبان حکومتنی رسمی تَن آلمهگن. بیراق بو مملکت اخیرگی بیر ییل ایچیده، کابلده ایلچیخانه آچیب، افغانستانده دیپلوماتیک حضور تاپکن.
