قرغیزلر یشاوچیسی بۉلمیش بدخشان تاغلریده واقع، «واخان» اولسواللیگی اۉزیده منطقهدهگی اینگ مهم کُریدورلردن بیرینی جایلهشتیرگن.
واخان کُریدوری چین، پاکستان، تاجیکستان و افغانستان شامل تۉرت مملکت آرهسیده قرار تاپکنی باعث، مخصوص ژیواستراتیژیک اهمیتگه ایگه دیر و ییللردن بویان پاکستان بو کُریدورنی اۉز باشقیروویده آلیش اوچون اولگورماقده.
افغانستانده طالبان حاکمیتگه قیتگنیدن کیین، پاکستان کۉپراق بو کُریدورنی اۉزی باشقیروویده آلیش اوچون اولگورگن و طالبان حاکمیتیده بیر مراتبه پاکستان بو منطقهده، چیگره نشانهلرینی هم قویگن اېدی.
اخیرگی کونلر ایچیده، طالبان و پاکستان آرهسیده تیتیپی مسالهسی ینه بیربار جدی قرمه-قرشیلیکلرگه سبب بۉلهیاتکن بیرحالده، ینه واخان کُریدوری حقیده گپلر کېتماقده.
رسمیلر منبعلر تامانیدن تصدیق اېتیلمهگن خبرلرگه کۉره، پاکستان بو کُریدورنی باشقیروویده آلیش اوچون واخانده حربی کوچ ییرلشتیرگن. بیراق بو مساله طالبان تامانیدن تصدیقلنگن اېمس.
عینی حالده یقینده، طالبان مدافعه وزیرلیگی نینگ سرپرستی محمدیعقوب مجاهد هم واخانگه سفر قیلگنی خبر قیلیندی و بونگه قوشیمچه طالبان ایچکی ایشلر وزیرلیگی نینگ سرپرستی سراج الدین حقانی هم کابلدهگی چین ایلچیسی جاوشینگ بیلن اوچرهشوو اۉتکزیب، واخان کُریدوری خصوصیده بحث قیلگن.
