بیرلشکن ملتلر تشکیلاتی نینگ آزیق-آوقت دستوری، ینه بیربار افغانستانده دوام اېتیب تورگن آغیر اقتصادی احوالدن خواطر بیلدیردی.
بیرلشکن ملتلر تشکیلاتی نینگ بو ادارهسی تامانیدن بیریلگن معلوماتگه کۉره، افغانستان جمعیتی نینگ اوچ حصهسیدن بیر حصهسی آچلیک وضعیتگه دیر.
بو دستور افغانستان ژورنالیستلری بیلن شریک قیلگن بیاناتی نینگ بیر بولیمیده یازیشیچه “افغانستانده قیش موسومی شفقتسیز دیر، ایشسیزلیک و آزیق-آوقت یۉق بۉلگن بیرحالده، عایلهلر آغیر اقتصادی وضعیتی باعث اویلرینی ایسیتیش بیلن آوقت تیارلشدن بیرینی تنلهش اۉرتهسیده اچینرلی احوالده قرار تاپکن.”
عینی حالده، خلقارا آزیق-آوقت دستوری افغانستان اوچون جنوبی کوریا مملکتی نینگ ینگی یاردمیدن خبر بېرگن.
بو دستور تامانیدن نشر اېتیلگن معلوماتگه کۉره، جنوبی کوریا مملکتی افغانستانگه ۵ میلیون دالر یاردم کۉرسهتگن.
آزیق-آوقت دستوری بو یاردمنی اونملی بیان قیلیب، اوندن کمیده ۳۷ مینگ عایلهگه آوقت ییتکزیش اوچون فایدهلنیشینی معلوم قیلگن.
