افغانستان حاکمیتی ینه بیربار طالبان قۉلی‌گه توشگنیدن کیین، جمهوریت دوریده نسبتن پارتلش هجوم و قورالی تۉقنه‌شوو کبی ناتینچ‌لیکلر آزه‌یگن اېدی. بیراق اخیرگی وقتلر ایچیده اوشبو واقعه‌لر رقمی آشگن.
اخیرگی وقتلر افغانستان تورلی ولایتلری کیچه و کوندوز ایچیده کمیده ایکی یا اوچ ناتینچ واقعه‌نی باش‌دن کیچیرماقده دیر.
بو وضعیت دوامی‌ده، بوگون آقشم کابل و کندوز شهرلری ناتینچلیک واقعه‌لرگه گواه بۉلگنی خبر قیلیندی.
کابل شهریدن نشر اېتیلگن معلومات‌لرگه کۉره، بوگون آقشم دوشنبه ۲۹ – دلو کابل قونلغه‌سیده پارتلش یوز بېرگن.
شونینگدېک کندوز شهریده هم قورالی تۉقنه‌شوو صادر بۉلگنیدن خبر نشر اېتیلدی.
حاضرگه قدر بو واقعه‌لر حقیده آرتیقچه تفصیلات نشر اېتیلگن اېمس و طالبان هم بو حقده بیران معلومات بېرگن یۉق دیر.
