بوکون : یکشنبه 9 سنبله 1404

Kabul
+10...+17° C

بوکون : یکشنبه 9 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

امریکا و روسیه آره‌سیده‌گی مذاکره‌لرنی ایکینچی دوری قچان اۉتکزیلیشی اعلام اېتیلدی

رویترز یېتکیرمه‌سی تامانیدن نشر اېتیلگن خبر اساسیده، امریکا قوشمه ایالتلری و روسیه یوقاری مرتبه‌لی وکیللری آره‌سیده‎‌گی مذاکره‌لرنی ایکینچی دوری، کېله‌سی ایکی هفته‌گه قدر اۉتکزیله‌دی.

روسیه تشقی ایشلر وزیرلیگی نینگ اۉرین باسری سرگئی ریابکوف بو مساله‌نی رویترز یېتکیرمه‌سی‌گه تصدیق‎‌لگن.

روسیه‌لیک بو مقام نینگ ایتیشیچه، اوشبو مذاکره‌لر اوچینچی بیر مملکتده اۉتکزیله‌دی. بیراق حاضرگه قدر میزبان مملکت انیق‌لنگن اېمس.

ایتیش کېره‌ک که روسیه و امریکا وکیللری، اوکراین اوروشی تۉغریسیده مذاکره‌لرنی باشله‌گن و بو مذاکره‌نی بیرینچی دوری اۉتگن هفته سعودی عربستان نینگ ریاض شهریده اۉتکزیلدی.

ریاض‌ده اۉتکزیلگن اوشبو ییغین‌ده، روسیه تامانیدن بو مملکت جمهور باشلیغی یاردمچیسی یوری اوشاکوف و تشقی ایشلر وزیری سرگی لاوروف و امریکا قوشمه ایالتلری تامانیدن اېسه تشقی ایشلر وزیری مارکو روبیو و ملی خوفسیزلیک مصلحتچیسی مایک والتز اشتراک قیلگن اېدی.

حاضرگه قدر بو مذاکره‌لر ایکینچی دوری‌ده، امریکا و روسیه تامانیدن کیم‌لر قتنه‌شیشی بیللی اېمس.

شریک قیلینگ

Related Posts

Add New Playlist