بیرلشکن ملتلر تشکیلاتی بیر بیانات نشر قیلیب، افغانستان‌ده خاتین-قیزلرگه قرشی بۉلگن چیکلاولر بیکار قیلیشینی سۉره‌دی.
مارچ آیی نینگ ۸ – سی خلق‌ارا عیاللر بیردملیک کونی مناسبتی بیلن، بیرلشکن ملتلر تشکیلاتی نینگ افغانستان‌ده‌گی نماینده‌لیگی یا ده یوناما تامانیدن نشر اېتیلگن اوشبو بیانات‌ده، افغانستان‌ده عیاللر حقی اوچون بیرلیک اۉرته‌گه کېلیشی تکلیف اېتیلگن.
دېیرلی بیرلشکن ملتلر تشکیلاتی بو تشکیلاتگه اعضا مملکتلر‌دن، بیرگه‌لیکده افغانستان خاتین-قیزلری حقلری برابریده سیس چیقاریب، اولرنی قوللب-قوتلش‌لرینی سۉره‌گن.
عینی حالده بیرلشکن ملتلر تشکیلاتی افغانستان‌ده عیاللر نینگ اۉقیش و ایشلش حقی برابریده‌گی چیکلاولر عاقبتیدن خواطر بیلدیریب یازیشیچه “افغانستان‌ده عیاللر تیزیملی روشده اۉزلری نینگ تعلیم، ایشلش و جماعه‌ده‌گی حیات‌لریدن محروم بۉلگن. بو چیکلاولر یالغیز انسان حقلری‌دن باش تارتیش اېمس بلکیم افغانستان رواجی برابریده توسیق‌لیک دیر و بو مملکتده قشاق‌لیک کینگه‌یشی‌گه سبب بۉله‌دی.”
شونینگدېک بیرلشکن ملتلر تشکیلاتی نینگ افغانستان‌ده‌گی نماینده‌لیگی، مملکت عیاللری نینگ یوتوقلریدن قدرلب، اولر یانیده توریشینی اعلام قیلدی.
