«آرسلورمیتال» فولاد ایشلب چیقریش کمپنیهسینینگ اعلام قیلیشیچه، روسیه هجوملری اوکرایننینگ اینگ یېریک فولاد ایشلب چیقریلیش فابریکهسی فعالیتی تۉختهتیلیشیگه سبب بۉلگن.
آرسلورمیتال کمپنیهسیگه کۉره، اۉتگن بیش هفته ایچیده اۉیوشتیریلگن تورت هوا هجومی نتیجهسیده، اوکراین جنوبشرقیسیده جایلشگن مذکور کارخانهگه کینگ کولملی زیانلر یېتیشیب و بو کمپنیهنینگ بیش ته ایشلاوچیسی اۉلگن.
شو بیلن بیرگه، رویترز آژانسی خبر بیریشیچه، کییف ده اۉیوشتیریلگن هجوم عاقبتیده، ۱۴ یاشر بیر باله شامل ییتی کیشی اۉلیب و باشقه ۵۸ کیشی هم یرهلنگن.
روسیه سۉنگی آیلرده اوکراین بۉیلب هوا هجوملرینی کوچهیتیرگن. اوکراین رسمیلرینینگ ایتیشیچه، مذکور هجوملرنینگ اقتصادی عاقبتلری سالیق درآمدلری کمهیشی و حکومت بودجهسیدهگی تقچیلیکنینگ کۉپهیشیگه سبب بۉلگن.
