طالبان کانلر و پترولیم وزیرلیگی نینگ اعلام قیلیشیچه بو وزیرلیک سرپرستی هدایت الله بدری، قرغیزستان و آذربایجان مملکتلریدن بۉلگن هیات بیلن اوچرهشگن.
بو حقده نشر اېتیلگن بیانات اساسیده، اوشبو اوچرهشوو، طالبان کانلری وزیرلیگی بیلن، قرغیزستان کانلر وزیرلیگینینگ سابق اۉرین باسری الماس بیک تومانوف و آذربایجان کانلر وزیرلیگینینگ سابق اۉرین باسری آزر شکوراوف آرهسیده اۉتکزیلگن.
طالبان نینگ ادعا قیلیشیچه، قرغیزستان و آذربایجان مملکتلری نینگ اوشبو هیاتلری افغانستانده سرمایه یاتقیزیشگه قیزیقیش کۉرسهتگن.
طالبان شوندی بیرحالده بو مسالهنی اعلام قیلماقده دیر که بو حاکمیت تورلی ادارهلری اخیرگی اوچ – یریم ییل ایچیده، چیت ایللیک سوداگرلر افغانستانده سرمایه یاتقیزیشگه قیزیقیش کۉرسهتگنینی اعلام قیلگن. بیراق بو مدت ایچیده افغانستانده چیت ایللیک سرمایه یاتقیزیشلر رقمی اونچهلیک کۉپهیگن اېمس.
