طالبان تشقی ایشلر وزیرلیگی نینگ اعلام قیلیشیچه، امریکا قوشمه ایالتلری جمهور باشلیغی نینگ محبوس‌لر بۉییچه مخصوص وکیلی ادم بوایلر و بو مملکت نینگ افغانستان بۉییچه سابق مخصوص وکیلی زلمی خلیلزاد کابل کېلگن.
امریکالیک بو هیات طالبان تشقی ایشلر وزیرلیگی نینگ سرپرستی امیرخان متقی بیلن اوچره‌شیب، ایکی تامانلمه همکارلیکلر و محبوس‌لر آزاد اېتیلیشی خصوصیده فکر المشتیرگن دیدی طالبان تشقی ایشلر وزیرلیگی.
طالبان تشقی ایشلر وزیرلیگی تامانیدن بو حقده ژورنالیست‌لر اختیاریده قوییلگن معلومات‌گه کۉره، اوشبو اوچره‌شووده طالبان امریکادن بو گروه بیلن علاقه‌لرینی یخشی‌لشینی سۉره‌گن.
عینی حالده طالبان نینگ ادعا قیلیشیچه، امریکالیک اوشبو هیات افغانستان‌ده مخدره ماده‌گه قرشی کوره‌شیش همده خوفسیزلیک تامین‌لنیشی خصوصیده بۉلگن فعالیت‌لردن قدرله‌گن.
