افغانستان‌ده اوروش و ناتینچ‌لیکلر قربان‌لریگه ییتیشیش مقصدیده فعال «ایمرجنسی کسلخانه‌سی» بیر بیانات نشر قیلیب، مملکت جنوبی‌ده جایله‌شگن هلمند ولایتیده بیر پارتلش یوز بېرگنیدن خبر بېردی.
ایمرجنسی کسلخانه‌سی تامانیدن نشر اېتیلگن بیانات‌گه کۉره، بوگون جمعه ۱ – حمل یوز بېرگن اوشبو واقعه عاقبتیده، ۱۷ کیشی یره‌لنیب بو کسلخانه‌گه انتقال بېریلگن.
دېیرلی مذکور هجوم هلمند ولایتی نینگ گریشک اولسواللیگیده واقع بازارلردن بیری‌ده یوز بېرگن.
ایمرجنسی کسلخانه‌سی بو واقعه قربان‌لری حقیده یازیشیچه “واقعه‌دن ۱۷ کیشی یره‌لنیب کسلخانه‌گه انتقال بېریلدی. بو جمله‌دن بیش کیشی نینگ احوالی آغیر، بیش کیشی احوالی یخشی‌راق و ۷ کیشی هم پارتلش‌دن زهرلنگن اېکن.”
عینی حالده کندوز ولایتیده هم محلی منبع‌لر پارتلش یوز بېرگنیدن خبر بېره‌دی.
بو ولایتدن نشر اېتیلگن معلومات‌لرگه کۉره، بو کیچه کندوز شهریده واقع «بالاحصار» تۉرت یۉلی‌ده یوز بېرگن مذکور واقعه‌ده، طالبان جنگری‌لری نینگ چیک پاینتی نشان‌گه آلینگن. بیراق هلی‌گچه واقعه قربان‌لری حقیده تفصیلات بېریلگن اېمس.
شونینگدېک حاضرگه قدر بو هجوملر قیسی گروه تامانیدن اۉیوشتیریلگنی هم انیق بیللی اېمس.
