افغانستان‌ده فعال ایریم یېتکیرمه‌لر جمله‌دن «طلوع‌نیوز» و «پژواک» یېتکیرمهلری، اۉز منبع‌لری معلومات‌لریگه ته‌ینیب خبر بیریشیچه، امریکا قوشمه ایالتلری طالبان ایچکی ایشلر وزیرلیگی سرپرستی سراج الدین حقانی اوستیده‌گی مکافات‌نی بیکار قیلگن.
بو حقده نشر اېتیلگن معلومات‌لرگه کۉره، طالبان ایچکی ایشلر وزیرلیگی سرپرستی‌گه قوشیمچه، بو گروه نینگ ینه ایکی اعضاسی هم اوستیده‌گی مکافات هم امریکا تامانیدن بیکار قیلینگنینی ادعا قیلگن.
حاضرگه قدر امریکا قوشمه ایالتلری بو حقده تفصیلات بېرگن اېمس. شونینگدېک طالبان هم رسمی بیانات نشر قیلگن یۉق دیر.
دېیرلی بو مساله امریکالیک بیر هیات کابل‌گه بۉلگن سفری‌دن کیین نشر اېتیلماقده دیر.
ایتیش کېره‌ک که امریکا قوشمه ایالتلری، بوندن ایلگری طالبان ایچکی ایشلر وزیرلیگی سرپرستی سراج الدین حقانی اوشله‌نیشیگه سبب بۉلگن هر بیر معلومات اوچون ۱۰ میلیون دالر مکافات تعیین قیلگن اېدی.
