افغانستان ملی اسلامی جنبش حزبی نینگ رهبری مارشال عبدالرشید دوستم، رمضان هییت بیره‌می مناسبتی بیلن بۉلگن پیامی‌ده، افغانستان‌ده دوام اېتیب تورگن احوال‌دن خواطر بیلدیردی.
مارشال دوستم‌گه کۉره، استخبارات و سیاسی اۉیین‌دن کېلیب چیققن اوشبو وضعیت افغانستان خلقینی آغیر بیر احوالده قویگن.
مارشال دوستم اۉزی نینگ پیامی‌ده، افغانستان‌ده قشاق‌لیک، ایش‌سیزلیک، برقرارسیزلیک و خاتین-قیزلرنینگ ناانیق تقدیری دوامی‌دن خواطر بیلدیرگن.
جنبش حزبی نینگ رهبری بو وضعیت‌گه طالبان عیب‌دار دېب، طالبان اوشبو یاندهشوولری بیلن اۉزی نینگ ملت برابریده قرار بېرگن و بیر کون کېلیب جواب بېره‌دی دېب اورغوله‌دی.
مارشال دوستم پیامی نینگ بیر بۉلیمیده کېلیشیچه “بونچه بخت‌سیزلیکلر، تارتیشوولر و عدالت‌سیزلیکلرگه طالبان عیب‌دار دیر و طالبان اۉزی نینگ ایرکین ملت‌میز برابریده قویگن و ایشانچیم تۉلیق دیر که طالبان تیزلیکده بو وضعیت برابریده جواب بېره‌دی.”
شونینگدېک مارشال دوستم اۉزی نینگ پیامی‌ده، افغانستان‌ده تیزآره‌ده جدی بیر اوزگریش یوز بېریشینی هم بیلدیرگن.
مارشالد دوستم نینگ ایتیشیچه “ایشانچ‌لرینگیز تۉلیق بۉلسین، ایچکی و چیت ایل سیاستی تیزآره‌ده خلق‌میز منفعت‌گه اوزگره‌دی و مملکت تقدیرسیز و ناانیق بو وضعیت‌دن چیقیب، تینچ‌لیک و عدالت‌گه قۉل تاپه‌دی.”
ایتیش کېره‌ک که مارشال دوستم اۉزی نینگ پیامی‌ده، مذکور اوزگریش قندی اۉرته‌گه کېلیشی حقیده کۉپراق بیلگی بېرمه‌گن.
