جمعی خوفسیزلیک کېلیشووی تشکیلاتی ینه بیربار، بو تشکیلات‌گه اعضا مملکتلرگه قرشی افغانستان‌دن بۉلگن ترورچیلیک تهدیدلریدن خواطر بیلدیردی.
جمعی خوفسیزلیک کېلیشووی سۉزلاوچیسی ناتالیا خاریتونوا بو حقده، روسیه‌لیک «ایزوستیا» یېتکیرمه‌سی بیلن اۉتکزگن صحبت‌لریده خواطر بیلدیریب، طالبان حاکمیتی آستیده بۉلگن افغانستان شمالی ولایتلریده ترورچیلیک تهدیدلری جدی‌لشگنیدن خبر بېرگن.
شونینگدېک خاریتونوا، افغانستان جمعی خوفسیزلیک کېلیشووی‌گه اعضا مملکتلر اوچون ترورچیلیک و بنگی‌وار ماده‌لر قاچاق اېتیلیشی کبی معمالر منبع‌سی دېب اورغوله‌دی.
ایتیش کېره‌ک که جمعی خوفسیزلیک کېلیشووی‌گه اعضا کۉپلب مملکتلر، طالبان بیلن یخشی مناسبتده دیر. شوندی بۉلسه هم بو تشکیلات اعضالری اخیرگی اوچ-یریم ییل ایچیده، بیر نیچه مراتبه افغانستان‌دن بۉلگن ترورچیلیک تهدیدلریدن اۉز خواطرلرینی تیلگه آلگن.
