افغانستان تورکتبار عیاللری نینگ حرکتی آچیق بیر مکتوب نشر قیلیب، طالبان تامانیدن فاریاب، جوزجان و سرپل ییرلری، پاکستان‌دن آلیب کېلینگن کیم‌لیگی بیللی بۉلمه‌گن شخص‌لرگه تاپشیریلیشیدن خواطر بیلدیردی.
بو حرکت نشر قیلگن مکتوبی‌ده، طالبان بو ریجه‌سی انیق بیر سیاسی و قومی مقصد اساسیده بجریلماقده‌لیگینی بیلدیریب تاکیدلشیچه “بو مساله منطقه یشاوچیلرینی خواطرده قویگن، چونکه مهاجرلر کیم‌لیگی حقیده آچیق‌لیک بۉلمه‌گنی، قرمه-قرشی‌لیکلر، ایشانچ‌سیزلیکلر و قومی جنجللرنی اۉرته‌گه آلیب کېله‌دی.”
عینی حالده افغانستان تورکتبار عیاللری طالبان باش وزیری نینگ اداری اۉرین باسری عبدالسلام حنفی‌گه خطابا ایتیشیچه “سیز افغانستان تورک خلقی تاریخی ییرلرینی اولر ناراض بیرحالده باشقه‌لرگه تاپشیریش‌گه حقینگیز یۉق دیر. بیزنینگ توپراق‌میز و معامله و سیاسی امتیاز وسیله‌سی اېمس دیر.”
افغانستان تورکتبار عیاللری نینگ حرکتی اۉزی نینگ آچیق مکتوب‌ده، فاریاب، جوزجان و سرپلده ناتانیش مهاجرلر جایله‌شتیریلیشی جریانی تۉخته‌تیلیشی، اولرنینگ کیم‌لیگی انیق‌لنیشی، بو ریجه عملگه آشیریلیشی اوچون عبدالسلام حنفی و طالبان باشقه اعضالری حصه‌سی آچیق‌لنیشی، بو ریجه تۉغریسیده محل یشاوچیلری بیلن مصلحت بۉلینیشی و بو مساله خلق‌ارا طرف‌سیز تشکیلات‌لر آرقه‌لی تیکشیریلیشی طللب قیلینگن.
