فاریاب ولایتی دشت‌لریدن بیری‌ده ایسیق هواده، اوچ باله قشاق‌لیک باسیمی طفیلی، قلم اۉرنیده اوراق آلیب، یوره‌ک توله درد بیلن ایشله‌ماقده.
اوشبو باله‌لردن بیری یوسف دیر. یوسف اۉزبېک تی‌وی ژورنالیستی بیلن صحبت قیلیب، قشاق‌لیکده آغیر احوالی و کېله‌جگده بۉلگن آرزو-امیدلریدن سۉزله‌یدی.
یوسف تیلگه آله‌یاتکن هر بیر سۉزیده، قشاق‌لیک بو باله‌نی قنچه‌لیک زجر بېرگنینی سیزیشینگیز ممکن. فاریاب‌لیک بو باله اوراق‌نی بیراز ییرگه قوییب، غش کونگیل و امیدسیزلیک سیزیلیب تورگن حالده، باله‌لیک تیلی بیلن بیزگه صحبت‌گه اوته‌دی.
یوسف صحبت‌لریده قشاق‌لیکدن چرچه‌گنی و آزگینه بۉلسه هم تینچ یشش‌نی آرزو قیله‌یاتکنینی تیلگه آلیب بوندی دېدی: “مین هم اۉز تینگداش‌لریم بیلن کورس اۉقیش‌نی خواهله‌یمن، لیکن کتابچه و قلمیم یۉق تا باریب اۉقیسم.”
یوسف جماعه‌سیده‌گی معمالرنی کۉریب، کېلهجکده شفاکار بۉلیب، بیمارلرنی دوالش‌نی آرزو قیله‌دی. بیراق قشاق‌لیک اېسه بو مقصدنی اونگه یالغیز بیر خیال‌گه اَیلنتیرگن.
یوسف نینگ ایتیشیچه“بیش ییل مکتب اۉقیگنمن، خواهله‌یمن بیر یخشی جای‌گه باریب اۉقیسم و داکتر بۉلسم. داکتر یۉق شو اوچون بیمارلر اۉلماقده و مین داکتر بۉلیب اولرنی نجاتی اوچون اولگوریشنی آرزو قیله‌من”
یوسف نینگ ایتیشیچه، اۉقیش اوچون قلم و کتاب و کییم کېره‌ک؛ بیراق بولرنی تیارلش اونینگ عایله‌سی توانی‌دن اېمس.
یوسف نینگ آته‌سی خیرالله هم قوریقچیلیکده کوییب کېتگن محنت‌لری حاصللری‌گه قیغولی باقیب، قشاق‌لیکدن شکایت قیله‌دی.
فاریاب‌لیک بو کیشی روزغار اۉتکزیش اوچون بیرته باله‌سینی ایران‌گه یوبارگن و قالگنلری بیلن هم بوندی محنت قیلماقده. لیکن دهقانچیلیکده ییترلیچه عاید یۉق‌لیگی اولرنی آغیر احوالده قویگن.
خیرالله نینگ ایتیشیچه” هیچ قندی یاردمگه قۉل تاپالمه‌دیم. قندی قیله‌یین؟ بیر میده اۉغلیم‌نی ایران یوباردیم قالگنلری بیلن هم بو ییرده کېلیب کون اۉتکزیب اولتیریب‌من. ایرانده‌گی اۉغلیم بیران نرسه یوبارسه ییمیز بۉلمسه مجبورمیز چیده‌سک.”
ایتیش کېره‌ک که خلق‌میز اخیرگی ییللر ایچیده، جدی آغیر اقتصادی وضعیت‌لرگه گواه بۉلیب، بو وضعیت کۉپلب باله‌لرنی آغیر ایش‌لرگه جبرلنتیرگن.
