بیرلشکن ملتلر تشکیلاتی نینگ افغانستان‌ده‌گی نماینده‌لیگی بیر گزارش نشر قیلیب، افغانستان‌ده ساغلام سووگه قۉل تاپیش برابریده‌گی معمالردن خبر بېرگن.
بو تشکیلات نینگ اعلام قیلیشیچه، حاضر افغانستان جمعیتی اوچ حصه‌سیدن یقین بیر حصه‌سی ساغلام سووگه قۉل تاپالمه‌یدی.
دېیرلی یوناما افغانستان‌ده کمیده اۉن میلیون انسان، ساغلام بۉلمه‌گن سوو منبع‌لریدن فایده‌لنیشینی بیلدیرگن.
عینی حالده، یوناما بو معماگه ییچیم تاپیش اوچون بیرلشکن ملتلر تشکیلاتی چاره-تدبیر کۉره‌یاتکنیدن هم خبر بېرگن.
یوناما نینگ یازیشیچه، بیرلشکن ملتلر تشکیلاتی افغانستان جمعیتی ساغلام ایچیملیک سووگه قۉل تایپشی اوچون، اوروش و قورغاقچیلیکلر سبب‌لی ویران بۉلگن سوو ییتکزیش آست-قورمه‌لرنی قیته قوریلیشی، میلادی ۲۰۲۶ – ییلگچه افغانستان‌ده بیش میلیون انسان‌گه ساغلیق خذمت‌لرینی ترقه‌تیش جریانی کوچه‌یتیریشی و سوو منبع‌لرینی باشقیریلیشی اولگورماقده دیر.
یوناما نینگ تاکیدلشیچه، ساغلام سووگه قۉل تاپمسلیک افغانستان قیشلاق‌لریده عیاللر و باله‌لرنی کۉپراق زیان‌لنتیرگن.
