انسان حقلری کېنگشی نینگ ۵۹ – دور ییغینی، بوگون باشلندی و بو ییغین نینگ بیرینچی کونی‌ده، افغانستان وضعیتی بحث اېتیلدی.
بو ییغین‌ده، خلق‌ارا انسان حقلری کېنگشی عالی کمیساری نینگ اۉرین باسری ندا النشیف و افغانستان انسان حقلری بۉییچه بیرلشکن ملتلر تشکیلاتی نینگ مخصوص گزارشگری ریچارد بنت اشتراک قیلگن.
انسان حقلری کېنگشی نینگ بو ییغینی دایره‌سیده، زهرا ناملی افغانستان‌لیک بیر عیال هم آنلاین اشتراک قیلیب، افغانستان‌ده عیاللر احوالی حقیده صحبت قیلدی.
طالبان باسیم‌لریدن بۉلگن خواطرلری باعث یوزینی بیکیتیب، نطق سۉزله‌گن بو عیال افغانستان‌ده خاتین-قیزلرگه قرشی چیکلاولر دوامی‌دن خواطر بیلدیردی.
شونینگدېک بو ییغین‌ده، ریچارد بنت تامانیدن افغانستان‌ده دوام اېتیب تورگن انسان حقلری وضعیتی خصوصیده بیر گزارش هم ارایه اېتیلدی.
ییغین‌ده، افغانستان انسان حقلری وضعیتی اینقسه طالبان نینگ چیکلاولر و خاتین-قیزلرنینگ آغیر انسان احوالی‌دن خواطر بیلدیریلدی.
بو ییغین شوندی بیرحالده دیر که طالبان حاکمیتی دوریده، افغانستان خاتین-قیزلری حقلری و انسان حقلری باشقه بۉلیملریده‌گی چیکلاولر تاباره جدی‌لشیب بارماقده و طالبان بو حقده افغانستان خلقی و دنیا طلب‌لریگه اعتبار قره‌تگن اېمس.
