تخار ولایتی دشت قلعه تومنی‌دن ایریم منبع‌لرنینگ اۉزبېک تی‌وی گه ایتیشیچه، بو تومن مکتب‌لری نینگ اۉقیتووچی‌لری آی‌لیک/معاش‌لری بیر نیچه آی‌دن بیری طالبان تامانیدن توله‌نگن اېمس.
منبع‌لرنینگ ادعا قیلیشیچه، تخارلیک اۉقیتووچیلر یقین اوچ آی‌دن بیری آی‌لیک آلمه‌گن.
تخار ولایتی دشت قلعه تومنی اۉقیتووچیلریدن بیری عبدالله پویا ناملی شخص اۉزی نینگ فیسبوک صحیفه‌سیده هم یازگن بیاناتیده، ۱۰۰ کون‌دن بیری معاش آلمه‌گنینی بیلدیرگن.
تخارلیک بو اۉقیتووچی نینگ تاکیدلشیچه، قربان هییتیده هم اولرگه آی‌لیک بېریلمه‌گن، شو باعث قرضدار بۉلگن.
ایتیش کېره‌ک که اخیرگی آی‌لر ایچیده، طالبان تامانیدن دولت اداره‌لری خادملری نینگ آیلیکلری کۉپلب کیچیکتیریلیب توله‌نگنی شکایت‌لرگه سبب بۉلگن.
