جی۷ گروهی نینگ تشقی ایشلر وزیرلری قوشمه بیر بیانات نشر قیلیب، امریکا قوشمه ایالتلری و ایران اسلامی جمهوریتی آره‌سیده‌گی مذاکره‌لر قیته باشلنیشینی سۉره‌دی.
شونینگدېک بو مملکتلر تشقی ایشلر وزیرلری، اۉز قوشمه بیاناتلریده مذکور مذاکره، ایران هسته‌ای قورالی خصوصیده برقرار و دواملی بیر کېلیشووگه سبب بۉلیشی اوچون امید بیلدیرگن.
عینی حالده جی۷ گروهی نینگ تشقی ایشلر وزیرلری، ایران و اسراییل اۉرته‌سیده تینچ‌لیک تامین‌لنگنیدن هم اۉز حمایه‌لرینی اعلام قیلدی.
ایتیش کېره‌ک که امریکا و ایران مذاکره‌لر، ایران و اسراییل اوروشی سبب تۉخته‌تیلگن اېدی. بوندن ایلگری امریکا جمهور باشلیغی دونالد ترامپ مذکور مذاکره قیته باشلنیشی خصوصیده هم امید بیلدیرگن.
