لاهه خلق‌ارا محکمه‌سی اۉتگن کون سه‌شنبه ۱۷ – سرطان، قرار اعلان قیلیب، طالبان رهبری و قاضی القضاتی حبسگه آلینیشینی حُکم قیلدی.
بو قرار طالبان تنقیدی‌گه دوچ کېلگن بۉلسه‌ده، بیراق طالبان‌گه قرشی گروه‌لر و انسان حقلری فعاللری بو قرارنی خوش قرشی‌لماقده دیر.
انسان حقلری فعاللری بیرلشمه‌سی بو حقده بیانات نشر قیلیب، لاهه خلق‌ارا محکمه‌سی بو قرارینی خوش قرشی‌لگن.
بو بیرلشمه اۉز بیاناتیده، طالبان یانده‌شوولریدن جدی تنقید قیلیب، بو حاکمیت باشقه ییریک اعضالری هم حبسگه آلینیشی خصوصیده قرار آلینیشی طلب قیلگن.
عینی حالده، طالبان‌گه قرشی حربی جریان‌لردن «آزادلیک جبهه‌سی» هم بیانات نشر قیلیب، بو قرار ییترلی بۉلمه‌گنی طالبان‌گه قرشی کۉپراق باسیم‌لر قۉلگه آلینیشینی تاکیدلدی.
شونینگدېک انسان حقلری فعاللریدن فرخ‌لقا اونچیزاده کبی باشقه فعاللر هم بو قرارنی خوش قرشی‌لب، بو قرار خاتین-قیزلرنینگ تینمه‌ی بجرگن سعی‌وحرکتلری نتیجه‌سی دېب معلوم قیلدی.
