امریکا قوشمه ایالتلری نینگ تشقی ایشلر وزیری مارکو روبیو و روسیه تشقی ایشلر وزیری سرگی لاوروف بوگون پنجشنبه ۱۹ – سرطان، مالیزیانینگ کوالالامپور شهریده اوچره‌شدی.
بو حقده نشر اېتیلگن خبرلرگه کۉره، بو ایکی مملکت تشقی ایشلر وزیرلری ایران و سوریه احوالی همده اوکراین اوروشی خصوصیده فکر المشتیرگن.
رویترز تامانیدن نشر اېتیلگن گزارش‌نی بیلدیریشیچه، ایکی تامان بحث اېتیلگن موضوع‌لر حقیده اۉز فکر و تکلیف‌لرینی بیر بیراوی بیلن شریک قیلگن.
بو اوچره‌شوو شوندی بیرحالده اۉتکزیلماقده دیر که بوندن ایلگری هم روسیه و امریکا تشقی ایشر وزیرلری، اوکراین اوروشی حقیده بیر نیچه اوچره‌شوو اۉتکزگن اېدی.
حاضرگه قدر روسیه و امریکا تشقی ایشلر وزیرلری نینگ اوچره‌شوولری، اوکراین اوروشی یکونلنیشی اوچون ایجابی نتیجه بېرمه‌گن.
