منبع‌لر تامانیدن اۉزبېک تی‌وی اختیاریده قوییلگن معلومات‌گه کۉره، ایران اسلامی جمهوریتی نینگ پایتختی تهران شهریده، فریده محمد ناملی افغانستان‌لیک یاش قیز بیر نیچه کون‌دن بیری یۉقالگن دیر.
بو حقده تهران‌ده، طالبان ایلچی‌خانه‌سی تامانیدن ایران حکومتی اداره‌لریگه یازیلگن مکتوب‌گه کۉره، تهران‌ده خیاط‌لیکده ایشلب کېلهیاتکن فریده محمدی، سرطان آیی نینگ ۱۸ – سیدن بیری یۉقالگن و حاضرگه قدر اونینگ تقدیری بیللی اېمس.
ایتیلیشیچه، بو قیزنینگ عایله‌سی تشویشده و نیچه کون‌دن بیری قیزنینگ تقدیری تۉغریسیده هیچ قندی معلومات یۉق دیر.
عینی حالده، ایریم خبرلرنی ادعا قیلیشیچه، ایران نینگ پایتختی تهران شهریده قربان ناملی ۱۸ یاشر بیر ییگیت اۉلدیریلگن.
حاضرگه قدر بو واقعه تۉغریسیده رسمی منبع‌لر بیانات بېرگن اېمس.
ایتیش کېره‌ک که بوندن بیر نیچه وقت ایلگری هم، ایران‌ده افغانستان‌لیک بیر قیز یۉقالگندن کېین شفقت‌سیز اۉلدیریلگن جسدی تاپیلگن اېدی.
