بیرلشکن ملتلر تشکیلاتی نینگ افغانستان‌ده‌گی نماینده‌لیگی یا یوناما بو اداره باشلیغی رزا اوتنبایوادن نقل قیلیب، نشر قیلگن بیاناتیده، ایران‌دن کینگ کولمده مهاجرلر قیتیشی باسیم‌لریدن خواطر بیلدیرگن.
بو تشکیلات نینگ تاکیدلشیچه، ۷۰ فایز جمعیتی قشاق‌لیک وضعیتده بۉلگن افغانستانده، بونچه مهاجر کېریب کېلیشی، باسیم‌لرنی جدی‌لشتیرگن.
یوناما اوشبو وضعیت عاقبتلری حقیده یازیشیچه «بو وضعیت ایش بازاری اوستیده باسیم‌لرنی کۉپه‌یتیره‌دی همده مهاجرلر قیتیب کېله‌یاتکن حدودلرده برقرارسیزلیکلر آشیب، قیته بدرغه‌لیکلرگه سبب بۉله‌دی بو اېسه منطقه برقرارلیگینی خوف آستیده قویه‌دی.»
بیرلشکن ملتلر تشکیلاتی نینگ افغانستان‌ده‌گی نماینده‌لیگی باشلیغی، بو وضعیت اۉرته‌گه کېلیشیده، خلق‌ارا هم‌جمعیتی یانده‌شووی‌دن هم تنقید قیلیب، خلق‌ارا هم‌جمعیتی بورچ‌لری یخشی‌لب عملگه آشیریلمه‌گنی باعث افغانستان بو باسیم بیلن یوز مه یوز بۉلماقده‌لیگینی تاکید قیلگن.
شونینگدېک رزا اوتنبایوا، بو مهاجرلرگه یاردم ییتکزیش اوچون بودجه آزلیگینی تیلگه آلیب، دنیا مملکتلریدن یاردم بېریش‌لرینی سۉره‌گن.
