سیاره رحمانی افغانستان اۉزبېکلری آره‌سیده تانیقلی فعال و اۉزبېک تیلی‌ده ییللرچه قلم تارتکن یازووچی و ژورنالیست دیر که حاضر فرانسه‌ده مهاجرلر پارلمانی‌گه کاندید قیلگن.
سیاره رحمانی فرانسه‌ده اۉزبېک تیلی‌ده خذمت‌لر یۉق‌لیگینی سیزگن بیرحالده، بو پارلمان‌گه اۉزینی کاندید قیلگنینی معلوم قیله‌دی.
رحمانی اۉزی‌دن نشر قیلگن بیانات‌لریده، فرانسه‌ده مهاجرلرگه باشقه ساحه‌لرده قوله‌یلیکلر یره‌تیشیگه اولگوریشگه قوشیمچه، آنه تیل‌میزگه خذمت زمینه‌لری یره‌تیلیشی اوچون هم اولگوریشینی تاکیدله‌یدی.
دیمک فرانسه‌ده مهاجرلر پارلمانی ینگی بیر ریجه دیر که بو مملکت حکومتی تامانیدن یۉلگه قوییلگن. بو پارلمان اعضاسی بۉلگن شخص‌لر، مهاجرلر احوالی یخشی‌لنیشی اوچون فرانسه حکومتی بیلن بیرگه ایشله‌یدی.
بو پارلمان‌گه آواز بېریش جریانی اېرته ۱۷ – جولای کونی یکونلنه‌دی و سیاره رحمانی بو پارلمان‌گه کاندید قیلگن یالغیز اۉزبېک عیال دیر.
