لاجورد یۉلی تدقیقات مرکزی تشثبتی بیلن استانبولده یۉلگه قوییلگن سمینار اوچ کون‌دن بیری دوام اېتیب، افغانستان‌گه عاید مهم بحث‌لر بۉلینماقده.
سمینار اشتراکچیلری بو اوچ کون دوامی‌ده بۉلینگن بحث‌لر، افغانستان کېله‌جگی اوچون مهم دېب بهاله‌یدی.
بو ییغین اشتراکچیلریدن بشیراحمد ته‌ینچ نینگ ایتیشیچه «بو اوچ کون‌ده کۉپ مهم موضوع‌لر بحث بۉلدی. جمله‌دن انسان حقلری احوالی، مهاجرلر تۉغریسیده همده افغانستان نینگ ایچکی وضعیتی بحث بۉلدی. اشتراک قیلگن فعاللر و سیاسی‌لر اۉز فکرلرینی اَیتدی‌لر.»
بو ییغین‌ده یالغیز تورکیه یشاوچی فعاللر اېمس، بلکیم دنیا تورلی مملکتلریدن فعاللر و بیلیم‌دانلر اشتراک اېتیب، افغانستان احوالی‌گه عاید موضوع‌لر خصوصیده اۉز فکر و تکلیف‌لرینی بیلدیرماقده.
اشتراکچیلرنینگ تاکیدلشیچه، ییغین‌ده بحث اېتیلگن اساسی مساله، افغانستان‌نی حاضرگی وضعیت‌دن آلیب چیقیش یۉللرینی محاکمه قیلیش دیر.
ییغین اشتراکچیلریدن مارینا عمری بو حقده شوندی دېدی «بو ییرده افغانستان معمالری و خلق‌میزنینگ قیینچیلیکلری، بحث بۉلیندی، هر کیم اۉز فکرینی بیلدیردی، کېله‌جکده افغانستان‌نی بو وضعیت‌دن آلیب چیقیش اوچون نیمه ایشلر بجریلیشی خصوصیده پلان‌لر یازیلدی.»
عینی حالده، اشتراکچیلر افغانستان نینگ حاضرگی سیاسی تقدیرسیزلیکلریدن اېسلب، بو کبی ییغین‌لر دوامینی سۉره‌یدیلر.
مارینا عمری نینگ کۉپه‌یتیریشیچه:«امید بو کبی اۉلتیریش‌لر دواملی بۉلسه، شونینگدېک بیراز کینگراق باشقه مملکتلرده هم شوندی اولتیریش‌لر اۉتکزیلسه و سیاسی‌لر افغانستان‌نی بو وضعیت‌دن چیقاریش اوچون بیر بیرینی قوللب-یاردم بېرسه‌لر.»
ایتیش کېره‌ک که بو ییغین، «انقراض‌دن تیکلنیش‌گه قدر: افغانستان سیاسی کېله‌جگینی شکل‌لنتیریشده دیاسپورانینگ رولی» عنوانی آستیده اۉتکزیلماقده دیر.
