اۉزبېکستان استخبارات باشلیغی قربانوف بهادر، طالبان استخبارات باشلیغی عبدالحق واثق بیلن اوچره‌شگنیدن خبر بېردی.
اۉزبېکستان استخبارات باشلیغی‌گه تېگیشلی ایکس صحیفه‌سی آرقه‌لی بوگون چهارشنبه ۱ – اسد نشر اېتیلگن بیاناتده، بو مساله خبر قیلینگن.
قربانوف بهادر تامانیدن نشر اېتیلگن اوشبو بیاناتده، طالبان نینگ داعش‌گه قرشی کورهشیشلری قدرلنیب، اۉزبېکستان طالبان بیلن خوفسیزلیک ساحه‌سیده همکارلیک قیلیش‌ده تیار دېب اعلام قیلینگن.
قربانوف بهادر نینگ یازیشیچه “افغانستان استخباراتی کوچلی بۉلیب، قیسقه وقت ایچیده ویران‌کار داعش گروهینی یۉق قیلدی و برچه اعضالرینی برطرف اېتدی. افغانستان خوفسیزلیک اداره‌لری اعتراف و همکارلیککه لایق و بیز خوفسیزلیک ساحه‌سیده اولرنی قوللب-قوتلش‌ده دوام بېره‌میز.”
دیمک اۉزبېکستان استخبارات باشلیغی اۉتگن کون بیر هیات باشچیلیگیده کابل‌گه سفر قیلگن اېدی.
اۉزبېکستان‌لیک بو حربی مقام، افغانستان‌ده تشریفی دوامی‌ده طالبان یوقاری مرتبه‌لی اعضالری جمله‌دن بو حاکمیت مدافعه و ایچکی ایشلر وزیرلیکلری همده استخبارات اداره‌سی باشلیغی بیلن اوچره‌شدی.
