طالبان باش وزیری اقتصادی اۉرین باسری عبدالغنی برادر تخار ولایتیده سفر قیلیب، بو ولایتده «سپین‌زر» ناملی سودا شهرچه‌سینی قوریلیش ایشلری تمل‌تاشینی قویدی.
طالبان باش وزیری اقتصادی اۉرین باسرلیگی‌نینگ بوگون دوشنبه ۱۰ – سنبله نشر قیلگن بیاناتی‌گه کۉره، اوشبو سودا شهرچه‌سی شخصی سرمایه یاتقیزیش بیلن قوریلماقده دیر.
ایتیلیشیچه مذکور شهرچه‌ده، بیش سودا مارکیتی قوریلیشی ریجه‌لشتیریلگن که بو جمله‌دن بیرته‌سی بوگون فایده‌لنیشگه تاپشیریلگن و قالگن تۉرت سودا مارکیت‌نی هم قوریلیش ایشلری باشلنگن.
طالبان مذکور شهرچه‌ده، ایکی میلیارد و ۴۵۰ میلیون افغانی سرمایه کیریتیلیشی ریجه‌لشتیریلگنینی هم معلوم قیلدی.
طالبان باش وزیری‌نینگ اقتصادی اۉرین باسری، بو شهرچه فایده‌لنیشگه تاپشیریلیشی بیلن تخار اقتصادی رواجلنیب، مملکت عایدی آشیشی‌گه امید بیلدیردی.
