بوگون پنجشنبه سپتمبر آیی‌نینگ ۱۱ – سی القاعده گروهی تامانیدن، امریکا قوشمه ایالتلری‌نینگ نیویارک شهریده‌گی سودا بنالری‌گه اویوشتیریلگن هجوم ییللیگی دیر.
دیمک مذکور هجوم بوندن ۲۴ ییل ایلگری یعنی میلادی ۲۰۰۱ – ییل ۱۱ سپتمبر کونی اویوشتیریلیب، امریکا سیاستی و افغانستان احوالیگه ییریک اوزگریش‌لرنی آلیب کېلدی.
طالبان‌نینگ افغانستاندهگی بیرینچی حاکمیتی دوریده، بو گروه بیلن یقین علاقه‌ده بۉلگن القاعده گروهی، افغانستاندهگی رهبری اسامه بن لادین بویروغی اساسیده، اوشبو هجوملرنی اویوشتیرگن اېدی.
بو هجوم‌دن کېین، امریکا افغانستان‌گه نسبتن سیاست‌نی اوزگرتیریب، افغانستان‌گه حربی اره‌لشدی و شو سبب امریکا افغانستان‌ده ۲۰ ییل حربی حضور تاپدی.
امریکانینگ حربی حضوری بیلن طالبان حاکمیتی یکونلنگن بۉلسه‌ده، بیراق ۲۰ ییل‌دن کېین امریکا افغانستاندن چیقیشی بیلن مملکت ینه بیربار طالبان قۉلی‌گه توشیب قالدی و حاضر تۉرت ییل‌دن بیری طالبان حاکمیتی دوام اېتیب کېلماقده دیر.
