بیرلشکن ملتلر تشکیلاتی‌نینگ باش مجمع‌سی اۉتکزگن بیر ییغینیده، فلسطین مستقل دولتی توزولیشی‌گه عاید ریجه‌نی تصدیق‌لدی.
دیمک سعودی عربستان و فرانسه مملکتلری تامانیدن ایلگری سوریلگن اوشبو ریجه، بیرلشکن ملتلر تشکیلاتی باش مجمع‌سی‌نینگ کۉپلب اعضالری ایشانچ آوازی بیلن تصدیق‌لنگن.
مذکور ریجه نیویارک کېلیشووی اساسیده بۉلیب، فلسطین مستقل دولتی توزولیشی همده حماس گروهی یۉق اېتیلیشی خصوصیده‌گی یۉل-خریطه‌سیدن عبارت دیر.
بو ریجه بیرلشکن ملتلر تشکیلاتیده‌گی ۱۴۲ دولت تامانیدن معقوللندی، ۱۲ دولت اونگه بی‌طرف قالدی و قالگن ۱۰ دولت اېسه اونگه قرشی آواز بېردی.
اوشبو ریجه اساسیده، باسیب آلینگن حدودلر فلسطین وقتینچه‌لیک ماموریتی‌گه تاپشیریلدی و بو جریان بیرلشکن ملتلر تشکیلاتی‌نینگ تینچ‌لیک‌پرور کوچلری تامانیدن قوللب-قوتلنه‌دی.
