الجزیره تلویزیون کانالی غزه ساغلیقنی سقلش اداره‌سی مسووللری‌دن نقل قیلیب خبر بېریشیچه، اسراییل‌نینگ غزه‌ده‌گی قانلی هجوملری دوامی‌ده، یقین‌ده اویوشتیریلگن هجوملر نتیجه‌سیده ۵۳ کیشی جان بېرگن.
شونینگدېک بو هجوملر عاقبتیده، باشقه بیر قنچه کیشی یره‌لنگنی هم معلوم قیلینگن.
بو حقده نشر اېتیلگن خبرلرگه کۉره، اسراییل غزه اهالیسینی کوچیریش مقصدیده هجوملرینی شدت‌لنتیریب، یشش بنالرنی نشان‌گه آلماقده دیر.
حاضرگچه بو هجوملر نتیجه‌سیده ۱۶ بنا ویران اېتیلگنی معلوم قیلیندی.
اوشبو بنالر اوستیگه بۉلگن هجوملر نتیجه‌سیده، مینگ‌لب کیشی یشش مکان‌لرینی ترک اېتیش‌گه هم مجبور بۉلگنلر.
عینی حالده یقین‌ده غزه اهالیسی‌دن ینه ایکی کیشی آچلیک سبب جان بېرگنی انیق‌لگن. بو بیلن غزه‌ده اوروش باشلنگنیدن بیری آچلیک سبب جان بېرگنلر رقمی ۴۲۲ کیشی‌گه ییتیشدی.
