خلق‌ارا اخبارات منبع‌لری تامانیدن نشر اېتیلگن معلومات‌لرگه کۉره، اسراییل حربی‌لری، فلسطین‌لیکلرگه قرشی هجوملرینی بوگون اېرته‌لب‌دن هوا و ییر آرقه‌لی عملگه آشیرماقده دیر.
حاضرگچه اوشبو هجوملر نتیجه‌سیده، ۳۸ کیشی قربان بۉلگنی انیق‌لنگن.
اسراییل هجوملری جدی‌لشگن بیرحالده، بیرلشکن ملتلر تشکیلاتی غزه‌ده اسراییل جینوساید/نسل اۉلدیریشینی تصدیق‌لگن.
بو حقده نشر اېتیلگن خبرلرگه کۉره، بیرلشکن ملتلر تشکیلاتی انسان حقلری کېنگشی تامانیدن تعیین‌لنگن مستقل متخصص‌لر گروهی، تیکشیروودن کېین بو مساله‌نی تصدیق‌لگن.
دیمک اسراییل حربی‌لری غزه‌ده ینگی ییریک حربی عملیات باشله‌گن که اوشبو عملیات چارچوبه‌سیده اسراییل‌لیک تانکلر غزه شهری مرکزی‌گه کېریب کېلگن.
شونینگدېک اسراییل حربی‌لری هوا آرقه‌لی هم غزه تورلی حدودلرینی نشان‌گه آلماقده‌لیگی معلوم قیلینگن.
