افغانستان‌ده دوام اېتیب تورگن وضعیت خصوصیده بیرلشکن ملتلر تشکیلاتی باش کاتبی آنتونیو گوتریش تامانیدن تیارلنگن حسابات، بوگون چهارشنبه ۲۶- سنبله نشر اېتیلدی.
بیرلشکن ملتلر تشکیلاتی باش کاتبی‌نینگ اوشبو گزارشی می آیی‌نینگ بیرینچی‌سیدن جولای آیی‌نینگ ۳۱ –نچی‌سیگه قدر افغانستان گواهی بۉلگن وضعیت‌گه قره‌تیلیب، بو مدت ایچیده افغانستان خوفسیزلیک، انسان حقلری و اقتصادی وضعیتیده‌گی باسیملر دوام اېتکنی تاکیدلنگن.
بیرلشکن ملتلر تشکیلاتی‌نینگ باش کاتبی اۉزی حساباتیده، افغانستان‌ده اوشبو اوچ آی دوامی‌ده ۲ مینگ و ۶۵۸ ناتینچ‌لیک واقعه یوز بېرگنینی بیلدیریب، اۉتگن ییل اوشبو زمان‌گه نسبتن افغانستان‌ده ناتینچ‌لیکلر ۹ فایز آشگنی معلوم قیلیندی.
شونینگدېک بیرلشکن ملتلر تشکیلاتی باش کاتبی حساباتی‌نینگ بیر بۉلیمیده، بدخشان‌لیک دهقانلر اعتراضی‌گه قره‌تیلیب، طالبان بو اعتراض‌لرگه زوره‌وانلیک کۉرسه‌تیب، کمیده ۱۰ کیشینی اۉلدیرگنی و ۴۰ گه یقین کیشینی یره‌لنتیرگنی معلوم قیلینگن.
آنتونیو گوتریش حساباتیده تاکیدلنیشیچه، طالبان یوقاری مرتبه‌لی دولت لوازملرینی پشتون‌لرگه تاپشیریب کېلماقده دیر.
عینی حالده بیرلشکن ملتلر تشکیلاتی، اوشبو اوچ آی ایچیده، طالبان‌نینگ انسان حقلری اینقسه خاتین-قیزلرگه نسبتن چیکلاولری جدی‌لشگنی هم معلوم قیلینگن.
