فاریاب ولایتیدن محلی منبع‌لرنینگ خبر بېریشیچه، بو ولایت مرکزی میمنه شهریده، ایران‌ده وفات اېتگن ۱۸ یاشر ییگیت‌نینگ پیکری آلیب کېلینگن.
ایتلیشیچه میراحمد رضوانی ناملی اوشبو ییگیت، ایران‌ده برق آلیشی نتیجه‌سیده، قربان بۉلگن.
بو حقده نشر اېتیلگن معلومات‌لرگه کۉره، میراحمد رضوانی قشاق‌لیک باعث ایران کېتیب، بو مملکتده ایشچی‌لیک بیلن بند اېکن.
فاریاب‌لیک بو یاش-ییگیت‌نینگ پیکری بو ولایتگه انتقال بېریلیب و جمعه کونی ۲۸ – سنبله توپراققه تاپشیریلیشی ریجه‌لشتیریلگن.
ایتیش کېره‌ک که بوندن ایلگری، خلق‌میز بوندی یاش-ییگیت‌لری ایش‌سیزلیک و قشاق‌لیک سبب ایران‌گه کېتیش‌گه ناچار بۉلگن و بو یۉلده قربان هم بۉلگنلر دیر.
