بیرلشکن ملتلر تشکیلاتی‌نینگ خوفسیزلیک کېنگشی‌ده، غزه‌ده آتیش-کېسین تامین‌لنیشی مقصدیده بۉلگن ریجه ینه بیربار آوازگه آلیش‌گه قوییلدی.
دېیرلی خوفسیزلیک کېنگشی‌نینگ دایمی و وقتینچه‌لیک ۱۵ اعضاسی جمله‌سیدن، یالغیز امریکا بو ریجه‌نی وتو/رد قیلگن.
امریکا وکیلی‌گه کۉره، اوشبو ریجه‌ده حماس گروهی محکوم قیلینمه‌گنی و اسراییل مدافعه‌سی برحق تانیلمه‌گنی سبب، بو مملکت تامانیدن رد اېتیلگن دیر.
دیمک اوشبو ریجه‌ده، غزه اوروشی شرط‌سیز یکونلنیشی همده اسیرلر تیزلیک بیلن و شرط‌سیز آزاد اېتیلیشی‌گه اساسلنیب تیارلنگن اېدی.
ایتیش کېره‌ک که بوندن ایلگری هم، غزه اوروشی یکونلنیشی مقصدیده بۉلگن ریجه امریکا تامانیدن رد اېتیلگن اېدی.
غزه اوروشی خصوصیده‌گی اوشبو کېلیشماوچیلیکلر، بو اوروش قانلی دوام اېتیشی‌گه سبب بۉلگن دیر.
اوشبو ریجه شوندی بیرحالده رد اېتیلماقده دیر که شوکونلری، اسراییل‌نینگ غزه‌ده‌گی قانلی هجوملری جدی‌لشگن.
