تخار ولایتی‌نینگ خواجه غار اولسوالیگیده، ۸کیشی نامشروع علاقه‌ده عیبلنیب جزالندیلر.
اۉزبېک تی‌وی منبع‌لری تامانیدن بېریلگن معلومات‌گه کۉره، طالبان اهالینی چیقیریب، بیر عیال و ۷ ایرکک‌نی عامه حضوریده دُره اورگن.
دېیرلی خواجه‌غار اولسواللیگی بو اهالیسی نامشروع علاقه‌ده عیبلنیب، طالبان محلی رسمی‌لری تامانیدن جزالنگن.
خواجه‌غار اهالیسی‌نینگ اۉزبېک تی‌وی گه ایتیشیچه، اولر هر بیر کیشی‌گه ۳۲ دُره اوریلگنینی گواهی اېدی.
طالبان باش محکمه‌سی بوندن ایلگری، شوندی جزالنیش‌لر حقیده بیانات نشر قیلیب، تفصیلات بېریب کېلگن. بیراق بو واقعه حقیده حاضرگچه بو اداره تامانیدن بیانات نشر اېتیلگن اېمس.
ایتیش کېره‌ک که طالبان افغانستان تورلی ولایتلریده انسان‌لرنی عامه حضوریده جزالش‌گه دوام بېریب کېلماقده دیر و بیرلشکن ملتلر تشکیلاتی تامانیدن نشر اېتیلگن ینگی حساباتده، اۉتگن اوچ آی دوامی‌ده عیاللر شامل ۶۰ کیشی طالبان تامانیدن عامه حضوریده جزالنگنی قید اېتیلگن.
