بیرلشکن ملتلر تشکیلاتی‌نینگ آزیق-دستوری بو تشکیلات ایکس صحیفه‌سیده یازگن بیاناتیده، افغانستان‌ده بیش میلیون آنه و باله، توییب آوقت‌لنمسلیک کسللیگی بیلن دوچ بۉلگنیدن آگاه‌لنتیرگن.
خلق‌ارا آزیق-آوقت دستوری‌نینگ مسوووللری‌دن رانیا داگاش بو مساله‌نی بیان قیلدی.
شونینگدېک داگاش، کابلده‌گی ساغلیق مرکزلری بیری‌دن کۉریب چیقیش چاغیده، اوشبو مرکزلر و اهالی‌نینگ آچلیک احوالی‌دن خواطر بیلدیرگن.
آزیق-آوقت دستوری‌نینگ بو مسوولی، قورغاقچیلیک، کینگ کولمده مهاجرلر قیتیب کېلیشی و خلق‌ارا هم‌جمعیتی‌نینگ یاردملری آزه‌یشی اوشبو وضعیت‌نی اۉرته‌گه کېلیشی‌گه سبب بۉلگن دېب بیلدیردی.
ایتیش کېره‌ک که سونگی وقتلرده، خلق‌ارا یاردم بیرووچی تشکیلات‌لر افغانستان‌گه یاردم کۉرسه‌تیش اوچون بودجه‌لری آزلیگیدن خبر بېرگن اېدی.
