بیرلشکن ملتلر تشکیلاتی خوفسیزلیک کېنگشی‌نینگ ایران خصوصیده بۉلگن ییغینی بوگون آقشم جمعه ۲۸ – سنبله باشلنیب، بو مملکت‌گه قرشی تحریملر کۉریب چیقیلدی.
اوشبو ییغین‌ده، ایران‌گه نسبتن بۉلگن بیرلشکن ملتلر تشکیلاتی‌نینگ تحریملری تقدیری آواز آلیش‌گه قوییلدی که بو آواز آلیش ایران زیانی‌گه یکونلندی.
دیمک بیرلشکن ملتلر تشکیلاتی خوفسیزلیک کېنگشی‌ده، ایران‌گه نسبتن تحریملر بیکار قیلینیشی مقصدیده بۉلگن ریجه آواز آلیش‌گه قوییلگن اېدی که کۉپلب قرشی‌لیک آواز بیلن بو ریجه رد اېتیلدی.
خوفسیزلیک کېنگشی‌نینگ اوشبو قراری اساسیده، ایران حکومتی‌گه نسبتن دنیا تحریملری دوام اېته‌دی.
بیرلشکن ملتلر تشکیلاتی خوفسیزلیک کېنگشی‌نینگ دایمی و وقتینچه‌لیک اعضالری جمله‌سیدن چین، روسیه، پاکستان و الجزایر ایران منفعت‌گه آواز بېردی. بریتانیا، فرانسه، امریکا، سیرالئون، اسلوونی، دانمارک، یونان، پاناما و سومالی اېسه ایران زیانی‌گه و بو مملکت‌گه نسبتن تحریملر دوامی‌گه آواز بېردی‌لر.
شونینگدېک گویان و جنوبی کوریا بو خصوصده طرف‌سیزلیک‌نی اختیار قیلدی‌لر.
