خلق‌ارا یېتکیرمه‌لر تامانیدن ناتو خوفسیزلیک تشکیلاتی اعضالری‌دن بۉلمیش استونی حکومتی رسمی‌لری معلوماتی‌گه اساسلنیب، نشر اېتیلگن خبرلرگه کۉره، روسیه تامانیدن بو مملکت هوا حدودی نقض اېتیلگن.
استونی حکومتی‌نینگ اعلام قیلیشیچه، روسیه‌لیک اوچ حربی اوچاق بو مملکت هوا حدودیگه اَیله‌نگن.
بوحقده نشر اېتیلگن معلومات‌لرگه کۉره، روسیه‌لیک بو اوچاق‌لر کمیده ۱۲ دقیقه استونی هوا حدودیده قالگن.
حاضرگچه روسیه حکومتی تامانیدن بو اوچاق‌لر انیق نیمه مقصدیده، استونی هوا حدودیگه اۉتیب بارگنی بیللی اېمس.
ایتیش کېره‌ک که بوندن ایلگری روسیه‌لیک اوچاق و دُرون‌لر، پولند و رومانیا هوا حدودلریگه هم اوچکن اېدی.
روسیه‌نینگ بو حرکتی، ناتو خوفسیزلیک تشکیلاتی تنقیدی‌گه سبب بۉلیب، بو تشکیلات پولندده حربی امکانیت‌لرینی آشیردی.
