افغانستان بویلب ترافیکی حادثه‌لر کۉپه‌ییب اهالی‌دن قربان‌لیک آلیشی دوام اېتر اېکن، میدان وردک و غزنی ولایتلریده ایکی علیحده ترافیکی حادثه یوز بېریب، انسان‌لر جانینی آلگنی خبر قیلیندی.
میدان وردک ولایتیده طالبان محلی رسمی‌لری‌نینگ یېتکیرمه‌لرگه تصدیق‌لشیچه، بو ولایت‌نینگ «دشت توپ» حدودیده یوز بېرگن ترافیکی حادثه نتیجه‌سیده بیر عیال شامل، ۷ کیشی جان بېریب و ینه ایکی کیشی یره‌لنگن.
اوشبو حادثه کرولا رسوملی موتر بیلن یۉلاوچی تاشووچی کتته بیر موتر تۉقنه‌شووی نتیجه‌سیده یوز بېرگن.
شونینگدېک غزنی ولایتی‌نینگ گیلان تومنی‌ده هم ترافیکی حادثه یوز بېریب آلتی کیشی اۉلیب و یره‌لنیشیگه سبب بۉلگن.
غزنی ولایتیده یوز بېرگن بو واقعه‌ده اوچ عیال جان بېرگن و ایکی باله و بیر ایرکک یره‌لنگن.
ایتیش کېره‌ک که سونگی وقتلرده، افغانستان تورلی حدودلریده یۉللر بوزوق‌لیگی و هیداوچی‌لرنینگ دقت‌سیزلیگی باعث ترافیکی حادثه‌لر سانی کۉپه‌یگن.
