رویترز تامانیدن نشر اېتیلگن خبرگه کۉره، پولند چیگره قوریقچیلری روسیه‌لیک ایکی حربی اوچاق بالتیک دریاسیده واقع خوفسیزلیک حدود اوستیده اَیله‌نگنیدن خبر بېرگن.
دیمک روسیه‌لیک بو ایکی اوچاق اَیله‌نیشی بیلن بو حدود هوا حاکمیتی بوزیلگنینی معلوم قیلگن پولند رسمی‌لری.
ایتیش کېره‌ک که بالتیک حدودیگه جایله‌شگن استونی مملکتی، روسیه‌لیک اوچ حربی اوچاق بو مملکت هوا حدودیگه کېرگنیدن خبر بېرگن اېدی.
استونی رسمی‌لری معلوماتی اساسیده، اوشبو اوچاقلر اۉتگن کون جمعه ۲۸ – سنبله، کمیده ۱۲ دقیقه بو مملکت هوا حدودیده قالگن.
ایتیش کېره‌ک که روسیه اوچاق و دُرون‌لری، پولند و رومانیا هوا حدودلریگه هم اۉتگن و بو مساله اېسه سونگی هفته‌لر ایچیده، اروپا شرقی قسمی‌ده، روسیه و ناتو خوفسیزلیک تشکیلاتی آره‌سیده‌گی، قرمه-قرشی‌لیکلرنی آشیرگن.
