بی‌بی‌سی تامانیدن نشر اېتیلگن خبرگه کۉره، بریتانیا حکومتی فلسطین‌نی رسمیت‌گه تَن آلیشی خصوصیده‌گی قرارینی بوگون یکشنبه ۳۰ – سنبله اعلام قیله‌دی.
بو حقده نشر اېتیلگن خبر اساسیده، بریتانیا باش وزیری کی‌یر استارمر بوگون آقشم بیانات بېریب، بو مساله‌نی اعلام قیله‌دی.
شونینگدېک بوگون پرتگال حکومتی هم خودی شو حقده‌گی قرارینی اعلام قیلیشی ریجه‌لشتیریلگن.
بونگه قوشیمچه باشقه بیر قنچه غربی مملکتلر اینقسه فرانسه هم اېرته‌گچه فلسطین‌نی رسمیت‌گه تَن آلیشی خصوصیده‌گی قرارلرینی اعلام قیلیشی کوتیله‌دی.
اوشبو قرارلر شوندی بیرحالده آلینماقده دیر که حاضرگی کونده فلسطین‌لیکلرگه قرشی اسراییل هجوملری جدی‌لشگن و هر کونی اۉنلرچه فلسطین‌لیک قربان بۉله‌دی.
دنیا مملکتلری اسراییل و فلسطین تارتیشوولری یکونلنیشی اوچون ایکی مستقل دولت قوریلیشی ریجه‌سینی تکلیف قیلماقده دیر.
