بیرلشکن ملتلر تشکیلاتی‌نینگ آزیق-آوقت دستوری، بیر حسابات نشر قیلیب افغانستان‌ده انسان‌پرورلیک یاردملرگه محتاج‌لیک کۉپ‌لیگیدن ینه بیربار خبر بېردی.
بو تشکیلات تامانیدن نشر اېتیلگن حسابات‌گه کۉره، افغانستان‌ده قورغاقچیلیک و کینگ مقیاسده مهاجرلر قیتیب کېلیشی، مملکت اهالیسی اقتصادینی جدی باسیملر آستیده قۉیگن.
مذکور تشکیلات اۉز حساباتیده، افغانستان‌ده آغیر اقتصادی احوالده بۉلگن عایله‌لرگه یاردم کۉرسه‌تیش اوچون ۵۳۹ میلیون دالر بودجه کېره‌ک دېب اعلام قیلدی.
آزیق-آوقت دستوری شونچه بودجه کېله‌سی آلتی‌گچه یاردم کۉرسه‌تیلیشی اوچون کېره‌ک دېب بیلدیرگن.
آزیق-آوقت دستوری شوندی بیرحالده بو بودجه‌نی طلب قیلماقده دیر که سونگی ییللرده خلق‌ارا یاردم بیروچی تشکیلاتلر بودجه‌سی جدی بیرحالده آزه‌یگن.
بودجه آزه‌یشی سبب مذکور تشکیلاتلر تامانیدن ترقه‌تیلیب تورگن یاردملر هم آزه‌یگنی خبر قیلینگن.
