جوزجان ولایتی‌دن محلی منبع‌لر نشر قیلگن معلومات‌لرگه کۉره، بو ولایت عمومی قتناو یۉلی‌ده واقع آقچه تومنی حدودلریدن بیری‌ده ترافیکی حادثه یوز بېرگن.
مذکور حادثه بوگون دوشنبه ۳۱ – سنبله اېرته‌لب، کیچیک بیر موتر بیلن یوک تاشووچی موتر تۉقنه‌شوو نتیجه‌سیده یوز بېرگن.
بو حقده معلومات نشر قیلگن منبع‌لر، حاضرگچه حادثه قربان‌لری حقیده تۉلیق معلومات بېریلمه‌گنینی بیلدیره‌دی.
مذکور حادثه‌دن ترقه‌تیلگن صورت‌لر، حادثه جدی کۉرینیش‌ده یوز بېریب، ایکی موتر هم یۉلدن چیقیب کېتیب قوله‌گنی کۉرینه‌دی.
ایتیش کېره‌ک که سونگی وقتلرده، بو کبی حادثه‌لر سانی کۉپه‌یگن.
