خلق‌ارا یېتکیرمه‌لر غزه ساغلیق مسووللری معلوماتی‌گه اساسلنیب نشر قیلگن خبرلریگه کۉره، اسراییل تامانیدن یقین‌ده اویوشتیریلگن هجوملر ینه یوزلرچه کیشی اۉلیب و یره‌لنیشیگه سبب بۉلگن.
بو حقده نشر اېتیلگن خبرلرگه کۉره، اسراییل غزه تورلی حدودلریده اویوشتیرگن هجوملری کمیده ۱۵۰ کیشی جانینی آلگن.
شونینگدېک بو هجوملر نتیجه‌سیده یوزلب کیشی یره‌لنگنی اَیتیلماقده دیر.
دیمک اسراییل تامانیدن بو هجوملر، غزه‌نی بوتونله‌ی باسیب آلیش حرکتلری دوامی‌ده اویوشتیریلماقده دیر که اوشبو هجوملر یوزلب انسان‌لر قربان بۉلیشی‌گه علاوه، غزه کۉپلب اهالیسی مجبوری کوچیریلیشی‌گه هم سبب بۉلگن.
بو هجوملر شوندی بیرحالده دیر که اۉتگن کونی، بیرلشکن ملتلر تشکیلاتیده دنیا بیر قنچه مملکتلری دولت رهبرلری غزه‌ده دوام اېتیب تورگن وضعیت تیزلیک بیلن یکونلنیشینی سۉره‌گن اېدی.
