بیرلشکن ملتلر تشکیلاتی باش مجمع‌سی دایره‌سیده، افغانستان خصوصیده بیر ییغین اۉتکزیلیب، بو مملکتده دوام اېتیب تورگن احوال تیکشیریلدی.
ییغین‌ده، بیرلشکن ملتلر تشکیلاتی انسان حقلری کېنگشی‌نینگ افغانستان خصوصیده مخصوص گزارشگری ریچارد بنت، بیرلشکن ملتلر تشکیلاتیده افغانستان نماینده‌لیگی‌نینگ سرپرستی نصیراحمد فایق و شونگه اوخشش بیر قنچه فعاللر اشتراک اېتدی.
ییغین اشتراکچیلری افغانستان‌ده دوام اېتیب تورگن وضعیت حقیده نطق سۉزلب، بو مملکت‌دن بۉلگن ترورچیلیک تهدیدلریدن خواطر بیلدیردی.
ریچارد بنت اوشبو ییغین‌ده، طالبان تامانیدن دینی مدرسه‌لر کۉپ سان‌ده قوریلیب یاتکنی و بو حاکمیت امربالمعروف و نهی عن المنکر قانونی‌دن اېسلب، ترورچیلیک افغانستان جمعیتی اینقسه ایرکک‌لر آره‌سیده بیر ایدیولوژیگه اَیلنیب قالیشی‌دن آگاه‌لنتیردی.
شونینگدېک فایق هم افغانستان‌دن ترورچیلیک خواطرلری باشقه مملکتلر‌گه کېنگهییب کېتیشی ممکن دېب بیلدیرگن.
